Финал! "Ҳумо" "Номад"га қарши ўйинлар сериясини қачон ва қаерда бошлайди?

Кеча хоккей бўйича Қозоғистон Очиқ чемпионатида иккинчи финалчининг номи маълум бўлган эди.

Қувонарлиси, 1/2 финал босқичида "Бейбарис"га қарши музга чиққан Тошкентнинг "Ҳумо" жамоаси ўйинлар сериясида 4:1 ҳисобида ғалаба қозониб, финал чиптасини ҳал қилганди.

"Қанотлилар"га финалда Мунтазам чемпионат ғолиби — "Сариарка"дан устун келган "Номад" клуби рақиблик қилади. Жамоалар ўртасидаги ўйинлар серияси 2 апрель куни Тошкентда старт олади.

"Номад" жамоаси "Ҳумо" учун ноқулай рақиблардан бири ҳисобланади. Жамоалар ўртасида Мунтазам чемпионат доирасида ўтказилган тўртта учрашувнинг иккитасида "Номад" ғалаба қозонган бўлса, қолган иккита учрашув вакилларимиз фойдасига ҳал бўлган эди.

Жамоалар ўртасида кутилаётган финал ўйинлари серияси:

2 апрель, 17:00 — Тошкент;
3 апрель, 19:30 — Тошкент;
7 апрель, 18:00 — Астана;
8 апрель, 16:00 — Астана.

Ўйинлар YouTube платформасидаги InSport TV канали орқали трансляция қилинади.