Финалда "Барселона"га ютқазган Алонсо ўйиндан сўнг нималар деди?

"Барқарорликда, бу жуда қизғин, рақобатбардош ва қизиқарли ўйин бўлди. Охирида бизда иккита жуда яхши имконият бўлди, ҳисобни тенглаштиришга жуда яқин келдик. Аммо натижа биз кутгандек бўлмади, бугунги ғалаба билан "Барселона"ни табриклаймиз.

Сўнгги 15 дақиқада кўп нарса юз берди. Биз ўйинни яхши назорат қилдик. Тўп назорати бизда бўлмаса-да, энг қулай икки имкониятни юзага келтирдик. Биринчи голни ўтказиб юбордик, лекин жамоа характер кўрсатди. Танаффусга 2:2 ҳисобида чиқдик, иккинчи бўлим жуда қизғин ва тенг курашлар остида ўтди. Биз ҳисобни тенглаштиришга ҳаракат қилдик, лекин бунинг имкони бўлмади.

Энди бу саҳифани имкон қадар тезроқ ёпишимиз керак. Олдинга юришимиз, футболчиларни ўйинга қайтаришимиз, кураш руҳини тиклашимиз ва йўлда давом этишимиз керак", — дея фикр билдирди Алонсо.

Аввалроқ, "Барселона" бош мураббийи Ханс-Дитер Флик ҳам финал учрашуви ҳақида гапирганди.

"Бу муҳим финал эди. "Реал"га қарши ўйинлар ҳар доим ажойиб бўлади. Биз айнан хоҳлаганимиздик ўйнадик. Йигитлар билан фахрланаман, биз жуда яхши ўйнадик, тўпни ва ўйинни назорат қилдик. Оқибатда бутун жамоа биз хоҳлаган тарзда ўйнади. Охиригача қийин бўлди, лекин биз жамоа сифатида курашдик — бу жуда таъсирли.

Рафинья? Унинг менталитети ҳайратланарли, бизда бошқа ўйинчилар бор, лекин у бутун жамоага таъсир қилади. У биринчи имкониятни қўлдан бой берди, лекин иккинчисидан фойдаланиб, бизга устунликни берди. Ўзингиз кўрганингиздек, биз жуда катта босим остида эдик", — дея фикр билдирди германиялик мутахассис.