"Финалда Сакен Бибосиновни осон бўлмаган жанг кутмоқда" - Қозоғистон ТЖ мураббийи

"Финалда Сакенни осон бўлмаган жанг кутмоқда. Ярим финалдаги япониялик рақиб ҳам қийин эди, кўп муаммолар туғдирди, ғалаба қозониш учун барча йўлни ишга солди. Аммо Сакен маҳорат бобида устунлик қилди. Финалда унда масъулият юқори. Ҳасанбой Дўсматов Ўзбекистон умид қилаётган боксчи, Олимпиада чемпиони. У албатта ЖЧдаги мағлубият учун реванш олиш пайида бўлади. Мен Дўсматовнинг кучи ва маҳоратини жуда яхши биламан. Аҳир у олдин Биржан Жакипов ва Сакенга қарши жанг қилган. Биз керакли тактикани танлаймиз. Қозоғистонлик мухлисларнинг ишончини оқлаш учун барча кучни ишга соламиз", - деди қозоғистонлик мураббий.