08 июл 10:45
Янгиликлар

Спорт курашлари

Фируза Есенбаева Осиё чемпионати совриндори

Баҳрайн пойтахти Манама шаҳрида спорт курашлари бўйича ўсмирлар (U15) ва ёшлар (U20) ўртасидаги Осиё чемпионати давом этмоқда.

Аёллар кураши мусобақасида юртимиз шарафини ҳимоя қилган Фируза Есенбаева Осиё чемпионатининг бронза медалини қўлга киритди. 68 кг вазн тоифасидаги вакиламиз бронза медали учун кечган беллашувда япониялик Куми Кобаяшига ҳеч қандай имконият қолдирмади - 10-0!

Афсуски, Муштарий Толипбекова (50 кг) бронза медали учун кечган учрашувда мўғулистонлик Золжаргал Энхбатга 3-4, Айсанем Қурбанбаева (55 кг) қозоғистонлик Алтин Шагаевага 0-11, Диёра Абитова (59) эса қозоғистонлик Мадина Аманга 6-9 ҳисобида имкониятни бой бериб қўйди.