26 фев 13:45
Янгиликлар

Бокс/ММА

Фируза Шариповага Олимпиадада бошқа мамлакат номидан қатнашиш учун яхшигина пул таклиф қилинди

Профессионал боксда жаҳон чемпиони ҳисобланган қозоғистонлик чарм қўлқоп устаси Фируза Шариповага Олимпиадада бошқа мамлакат шарафини ҳимоя қилиш таклифи билан чиқишди.

Бу ҳақида унинг менежери Сергей Завелийский айтиб ўтди.

"Осиёда Феруза машҳур. Унинг жангларини FOX ASIAда кўрсатишади. Унга иккита таклиф тушди: Бири Собиқ Иттифоқ мамлакатларидан бири, яна бири Осиё мамлакати. Иккинчи вариант Фируза учун ўша мамлакат байроғи остида Олимпиадада иштирок этиш учун 1 миллион доллар таклиф қилди. Шунингдек, мукофот пулларини ҳам ваъда қилди.

Аммо, мен ушбу мамлакат қайси давлат эканлигини айтмайман. Аҳир у таклифни ўйлаб ўтирмай рад этди. У доимо Қозоғистон шарафини ҳимоя қилган ва бундан кейин ҳам шундай бўлади. Айни пайтда биз Олимпиадада қатнашиш имкониятларини кўриб чиқяпмиз", - деди менежер.