19 янв 12:23
Янгиликлар

Футбол

Флик "Барселона"нинг "Реал Сосьедад"га мағлубиятини изоҳлади

"Барселона" бош мураббийи Ханс-Дитер Флик Испания Ла Лигасининг 20-турида "Реал Сосьедад"га қарши ўтказилган ўйиндаги (1:2) мағлубият ҳақида фикр билдирди.

"Мен ҳафсалам пир бўлди. Биз яхши ўйин кўрсатдик ва кўплаб вазиятлар яратдик, лекин натижа майдондаги ўйинга мос келмади. Баъзан ҳамма нарсани тўғри қиласан, лекин доим ҳам сен томонда бўлмас экан. Ҳимояда ишончлироқ ўйнаш керак бўлган вазиятлар бўлди, аммо оқибатда бу футбол ва мен жамоанинг бугунги ҳаракатидан мамнунман", — дея Фликнинг сўзларини Marca нашри келтиради.

"Барселона" 20 турдан сўнг 49 очко тўплаб, Ла Лига турнир жадвалида биринчи ўринни эгаллаб турибди. "Реал Сосьедад" эса 24 очко билан 9-ўринда жойлашган.