22 фев 08:47
Янгиликлар

Бокс/ММА

Флойд Мейвезер уч кундан сўнг ММА жангчисига қарши рингга кўтарилади

25 февраль куни РЕН ТВ телеканали америкалик афсона Флойд Мейвезер иштирокидаги жангни намойиш зтади.

Шу куни америкалик афсона британиялик ММА жангчиси Аарон Чалмерсга қарши рингга чиқади. Турнир Лондондаги "О2 Arena"да бўлиб ўтади. Жанг икки дақиқада саккиз раунд этиб белгиланган.

Аслида Мейвезер бошқа рақибга қарши жанг ўтказиши керак эди, аммо кикбоксчи Лиам Харрисон оёғидан жароҳат олиб, сафдан чиқди. Флойдга эса бир неча кундан кейин янги рақиб сифатида Аарон Чалмерс топилди.

Эслатиб ўтамиз, Флойд The Ring журнали (2005-2007, 2013-2015) талқинига кўра вазн тоифасидан қатъий назар энг яхши боксчи ҳисобланади. У профессионал бокс тарихидаги энг кўп маош олувчи боксчи ҳисобланади.

35 ёшли британиялик профессионал ММА жангчиси Аарон Чалмерс эса реалити-шоуларда иштирок этиши билан танилган.