Флойд Мейвезер ва Мэнни Пакьяо реванш борасида музокара олиб бормоқда

Бу ҳақда спорт журналисти Лэнс Пагмайр америкалик боксчининг жамоасига таяниб хабар берди.

"Бугун Лас-Вегасга Мэнни Пакьяо жангини ёритиш учун етиб келганимда, Флойд Мейвезернинг бокс залига кирдим. У ердаги одамлар Флойд жангга келиши ҳақида айтишди.

“Музокаралар бошланган. Агар Мэнни ғалаба қозонса, бу реванш миллиардлаб доллар туриши мумкин”, дейишди», – деб ёзди журналист ижтимоий тармоқда.

Мэнни Пакьяо тўрт йиллик танаффусдан сўнг профессионал фаолиятини қайта тикламоқда, Флойд Мейвезер эса 2017 йилда Конор МакГрегорни ўнинчи раундда техник нокаутга учратганидан бери профессионал жанг ўтказмаган.

Мейвезер ва Пакьяо ўртасидаги 2015 йил май ойидаги жанг 4,6 миллиондан ортиқ пулли трансляция сотуви билан тарихдаги энг даромадли жанг сифатида қолмоқда.