10 янв 16:30
Янгиликлар
Теннис
Фомин Бхопал турнирининг чорак финалида рейтингда ўзидан 200 поғона пастдаги 19 ёшли теннисчига ютқазди
Маълум қилганимиздек, шу кунларда Ҳиндистоннинг Бхопал шаҳрида теннис бўйича М25 тоифасига кирувчи турнир бўлиб ўтмоқда.
Мукофот жамғармаси 25 000 долларни ташкил қилувчи мусобақада ҳамюртимиз Сергей Фомин ҳам иштирок этаётгани ҳақида хабар бергандик. Мамлакатимизнинг иккинчи ракеткаси бугун чорак финал доирасида нейтрал мақомдаги 19 ёшли теннисчи Максим Жуковга қарши кортга чиқди.
1 соат, 26 дақиқа давом этган ўйинда Жуков 2:0 (6/3, 6/4) ҳисобида зафар қучди.
Бу икки спортчининг ўзаро бешинчи ўйини эди. Бу ўйиндан кейин Жуковнинг ғалабалари сони 3 тага етди, қолган икки ўйинда эса ғалаба Фоминга насиб қилган.
Таққослаш учун, 23 ёшли Сергей Фомин айни пайтда ATP рейтингида 574, Максим Жуков эса 793-ўринни эгаллаб турибди.
Ҳавола :
Манба : olamsport.com
Фикрлар