Фомин Manama Challenger 125 саралашини ғалаба билан бошлади

Мусобақанинг саралаш баҳсларида ҳамюртимиз Сергей Фомин ҳам ўз омадини синаб кўрмоқда. Мамлакатимизнинг биринчи ракеткаси 1/2 финалида италиялик Энрико Балдиссеррига қарши баҳс олиб борди. Фомин 57 дақиқа давом этган учрашувда 6/1, 6/2 ҳисобида ғалаба қозонди. Сергей 4 та, Энрико эса 3 та эйс зарбасини амалга оширган. 

Таққослаш учун, Сергей Фомин саралаш турнирида саккизинчи рақам остида таснифланган бўлиб, айни пайтда ATP рейтингида 338-поғонадан жой олган. Саралашга имтиёзли чипта асосида қўйилган Балдессерри эса ҳали рейтингга эга эмас. Бироздан сўнг теннисчимиз асосий тўрга йўлланма берувчи учрашувда болгариялик Димитар Кузмановга қарши кортга чиқади. Саралашда учинчи рақам остида сараланган Кузманов дунёнинг 266-ракеткаси бўлиб турибди.