17 июл 12:10
Янгиликлар

Теннис

Фомин "Президент кубоги"ида 6-ракеткани мағлуб этди

Қозоғистоннинг Остона шаҳрида теннис бўйича "Челленжер" туркумига кирувчи "Президент кубоги" турнири давом этмоқда.

Ушбу турнирда мамлакатимизнинг иккинчи ракеткаси Сергей Фомин илк даврада япониялик Юзуки Такеруни 7:6, 6:1 ҳисобида мағлуб этганди. Бироз аввал у иккинчи босқичда туркиялик Янки Эрелга қарши кортга чиқди. Биринчи сетнинг тўққизинчи геймидан кейин Янки жароҳати сабаб баҳсни давом эттира олмаслигини маълум қилди. Бу пайтга келиб Сергей 5:4 ҳисобида олдинда бораётганди.

Таққослаш учун, Сергей Фомин ATP рейтингида 582, турнирнинг олтинчи ракеткаси сифатида ҳаракат қилган Эрел эса 448-поғонадан жой олган. 23 ёшли ҳамюртимизнинг 1/4 финалдаги рақиби бироздан сўнг маълум бўлади.