Фомин рейтингда ўзидан 164 поғона юқоридаги теннисчини таслим этди

Мукофот жамғармаси 15 000 АҚШ долларини ташкил этувчи ушбу мусобақада ҳамюртимиз Сергей Фомин ҳам ўз омадини синаб кўрмоқда. Мамлакатимизнинг иккинчи ракеткаси биринчи даврада турнирнинг иккинчи ракеткаси сифатида ҳаракат қилган нидерландиялик Макс Хуксни 6/4, 5/7, 6/1, 1/8 финалда эса аргентиналик Лучо Карневаллени 6/2, 6/1 ҳисобида мағлубиятга учратган эди. 

ATP рейтингида 728-поғонадан жой олиб турган Фомин ҳозиргина якунига етган чорак финал учрашувида дунёнинг 564-ракеткаси, турнирда 8-рақам остида таснифланган россиялик Денис Клокни 7/5, 6/2 ҳисобида таслим этди. Сергейнинг 1/2 финалдаги рақиби бироздан сўнг маълум бўлади.