Фомин Shymkent Challenger турниридаги иштирокини ғалаба билан бошлади

Мукофот жамғармаси 63 000 АҚШ долларини ташкил этувчи турнирда мамлакатимизнинг биринчи ракеткаси Сергей Фомин ҳам муваффақиятли старт олди. Ҳамюртимиз бироз аввал якунига етган 1/16 финал баҳсида украиналик Владислав Орловни уч сет натижасига кўра мағлубиятга учратди - 6/3, 3/6, 6/3. 

Таққослаш учун, Фомин айни пайтда ATP рейтингида 359, асосий тўр баҳсларига саралаш турнири орқали етиб келган Орлов эса 530-ўринни эгаллаб турибди. Бу теннисчиларнинг ўзаро ўтказган учинчи учрашуви бўлиб, Фомин бугунги ғалабаси эвазига ҳисобда олдинга чиқиб олди - 2:1. Икки соату 14 дақиқа давом этган баҳсда Фомин 3, Орлов 1 та эйс зарбани амалга оширди. Иккала теннисчи ҳам 5 тадан қўшхатога йўл қўйди.