Фоминнинг финалдаги рақиби маълум, у жаҳоннинг собиқ 33-ракеткаси

Мусобақада муваффақиятли иштирок этаётган ҳамюртимиз Сергей Фоминнинг финалдаги рақиби Робин Хаас бўлади. Нидерландиялик теннисчиси 1 соату 25 дақиқа давом этган ярим финал учрашувида АҚШ вакили Эван Жуни 7/5, 6/4 ҳисобида мағлубиятга учратди. Хаас ATP рейтингида 324, Эван эса 463-поғонадан жой олган. 

Робин фаолияти давомида ATP таснифига кирувчи турнирларнинг иккитасида соврин соҳибига айланган. У иккала титулини ҳам Кицбюэл (2011, 2012 йиллар) турнирида қўлга киритган. У бундан роса 10 йил аввал АТР рейтингида ўзининг энг яхши кўрсаткичига эришган бўлиб, ўшанда 33-ўринни банж этганди. 

Хаас шу вақтга қадар турнирлардаги иштирокидан 7 млн 743 минг 809 доллар ишлаб топган. Айни пайтда Сергей Фомин рейтингда 838-ўринни эгаллаб турибди. 

Маълумот учун, "Shymkent II Challenger 80" турнири финали 22 май куни бўлиб ўтади ва бизнинг вақт билан соат 09:00да бошланади.