Формула-1. Австралия Гран-приси билан шартнома 2035 йилгача узайтирилди

Томонлар 10 йиллик шартнома борасида келишиб олишган.

Унга кўра, «Формула-2» ва «Формула-3» пойгалари ҳам дам олиш кунларида бўлиб ўтади. Улар биринчи марта Австралия тақвимида 2023 йилда пайдо бўлади.

Австралия Гран-приси 1996 йилдан бери Мелбурнда ўтказиб келинмоқда. Сўнгги йилларда промоутерлар инфратузилма сифатини яхшилаш ва трекни яхшилаш учун катта маблағ сарфладилар.

“Мен Мелбурн 2035 йилгача «Формула-1» босқичига мезбонлик қилишини тасдиқлашдан жуда мамнунман. Ушбу пойга ҳар доим мухлислар, пойгачилар ва жамоалар орасида жуда машҳур бўлган. Бу йил Гран-прида кўплаб иштиёқманд мухлисларни кўрдик. Биз эса Австралиядаги фаолиятимизнинг келажаги порлоқ бўлишидан жуда хурсандмиз”, — деди Формула-1 бош директори Стефано Доменикали.