Формула-1. Ландо Норрис – Абу-Даби Гран-приси ғолиби!

Унда "McLaren" пилоти Ландо Норрис ғалабага эришди. 25 ёшли британиялик поул-позициядан бошлади ва бу йил тўртинчи марта биринчи ўринни эгаллади. Иккинчи ва учинчи поғоналарни мос равишда "Ferrari" пойгачилари Карлос Сайнс (+5,832 сония) ва Шарль Леклер (+31,928) эгаллади.

Ушбу мавсум "Red Bull" вакили Макс Ферстаппен Формула-1 чемпионига айланди. У Лас-Вегас босқичидаёқ чемпионликни кафолатлади. 27 ёшли нидерландиялик Абу-Даби Гран-присида олтинчи натижани кўрсатди.

Норрис 2024 йилги Формула-1 мавсуми вице-чемпиони ҳисобланади. Леклер пилотларнинг шахсий рейтингида учинчи ўринни эгаллаб турибди. "McLaren" (666 очко) Норриснинг Абу-Даби босқичидаги ғалабаси эвазига Конструкторлар Кубогида "Ferrari"дан (652) ўзиб кетди.

Абу-Даби. Жаҳон чемпионати

24-босқич. Абу-Даби Гран-приси

Топ-10 талик:

1. Ландо Норрис ("McLaren")

2. Карлос Сайнс ("Ferrari")

3. Шарль Леклер ("Ferrari")

4. Льюис Хэмилтон ("Mercedes")

5. Жорж Расселл ("Mercedes") 

6. Макс Ферстаппен ("Red Bull")

7. Пьер Гасли ("Alpine")

8. Нико Хюлькенберг ("Haas")

9. Фернандо Алонсо ("Aston Martin")

10. Оскар Пиастри ("McLaren").