Формула-1 мавсум старт оладиган сана маълум қилинди

"Қироллик пойгалари" ижрочи директори Чейз Кэрининг айтишича, мавсум 5 июль куни старт олади. Биринчи пойганинг Австрияда ўтказилиши режалаштирилган. Мавсумнинг ўзи эса 15-18 та Гран-придан иборат бўлади.

"Биз мавсумни июль ойининг биринчи ҳафтасида Европа қитъасида бошлашни режа қиляпмиз. Биринчи босқич Гран-приси 3-5 июль кунлари Австрияда ўтказилади. Сентябрь, октябрь ва ноябрь ойларида мос равишда Европа, Осиё ҳамда Америкада Гран-при ташкил этилади. Декабрда эса биз Бахрайн ва Абу-Дабидаги пойгалар билан мавсумни якунлаймиз", - деди Кэри.