"Формула-1"да кутилмаган янгилик. Хэмилтон ва Леклернинг АҚШ Гран-Присидаги натижаси бекор қилинди

"Мерcедес" ҳайдовчиси Льюис Хэмилтон Остиндаги пойгада иккинчи, "Феррари" ҳайдовчиси Шарль Леклер эса олтинчи ўринни эгаллаганди. Аммо техник кўрикдан сўнг уларнинг автомобиллари тагидаги панжаралар регламентда белгиланган меъёрлардан юпқароқ эканлиги маълум бўлди.

"FIA"нинг таъкидлашича, ўзига хос шароитлар - трекнинг нотекислиги, шунингдек, шанба куни ўтказилган спринт туфайли панжаралар ўчирилган, натижада жамоалар яхшироқ созламаларни топиш ва ўз имкониятларини синаб кўришга вақтлари кам бўлган. 

Бироқ "Формула 1" техник регламентининг 3.5.9e бандига кўра, пойга иштирокчилари автомобилнинг қоидаларга мувофиқлиги учун тўлиқ жавобгарликни ўз зиммаларига оладилар, шунинг учун Хэмилтон ва Леклер АҚШ Гран-Присидан дисквалификация қилинди.

Стюардларнинг қарорлари натижасида "МcLaren" вакили Ландо Норрис иккинчи, "Феррари" вакили Карлос Сайнс учинчи, Серхио Перес эса тўртинчи ўринга кўтарилди. "Уилямс"дан Алекс Албон ва Логан Саргент ҳам юқорилашди.