ФОТО Жаҳон Кубогида 15 та медаль қўлга киритган қўл жанги усталаримиз тантанали кутиб олинди

Сайёрамизнинг энг кучли спортчилари иштирок этган мазкур мусобақада Ўзбекистон терма жамоаси вакиллари ҳам муносиб тарзда юртимиз шарафини ҳимоя қилишган ва якунда 6 та олтин, 4 та кумуш, 5 та бронза, жами 15 та медаль билан умумжамоа ҳисобида иккинчи ўринни эгаллашган эди. 

Кеча тунда терма жамоамиз делегацияси Германиядан юртимизга қайтиб келди. Ислом Каримов номидаги Тошкент халқаро аэропортида қўл жанги усталаримиз кенг спорт жамоатчилиги томонидан муносиб тарзда кутиб олинди.