26 май 10:31
Янгиликлар

Бокс/ММА

ФОТО Кавказликлар Шавкат Раҳмоновни кўчада аёвсиз калтаклашди (ми)?

Матбуотда қозоғистонлик 27 ёшли UFC жангчиси Шавкат Раҳмоновга ҳужум уюштирилгани ва кўчада безорилар томонидан яхшигина калтаклаб кетилгани ҳақида хабарлар тарқалди.

Ўзбекистонда туғилган аралаш яккакураш устасининг ўзи бу гап-сўзларга муносабат билдирди.

"YouTube тармоғида мени калтаклаб кетиши ҳақида видео тарқалди. Бу ҳақида кўпчилик мени ўзимдан ҳам сўрашяпти. Яратганга шукур, менда ҳаммаси жойида. Ҳеч қачон ҳеч кимга қўл теккизишмади. Ҳеч қачон ва ҳеч кимдан қўрқмаймиз. Исталганига ва исталган жойда "ответ" қила оламиз. Шундай экан, бундай провакацияларга учманг, алданманг", — дея Раҳмоновнинг сўзларини келтиради FightTime.

Маълумот учун, Шавкат Раҳмонов навбатдаги жангини UFC яримўрта вазн тоифасида рейтингида 9-ўринни эгаллаб турган Нил Магнига қарши ўтказади. Ушбу жанг 26 июнь куни АҚШнинг Лас-Вегас (Невада штати) шаҳрида бўлиб ўтади. Раҳмонов ҳисобида 39 та жангдан 29 ғалаба бор.