16 дек 09:05
Янгиликлар
Бокс/ММА
ФОТО. Муҳаммадқодир Абдуллаев Майамида WBС президенти билан учрашди
Ўзбекистон профессионал бокс федерацияси вице-президенти Муҳаммадқодир Абдуллаев АҚШнинг Майами шаҳрида ўтказилган WBС ташкилотининг 54-Конгрессида иштирок этди.
Сидней Олимпиадаси чемпионига Америка сафари чоғида тажрибали мураббий ва ҳакам Набижон Исманов ҳамда Temurlang промоутерлик компанияси раҳбари Ҳусрав Насруллаев ҳамроҳлик қиляпти.
Конгресс доирасида Ўзбекистон профессионал бокс федерацияси делегацияси профессионал бокс оламидаги энг нуфузли ташкилот - Бутужаҳон бокс уюшмаси (WBC) президенти Маурисио Сулаймон билан учрашди.
Учрашув чоғида WBC президенти ўзбек боксига юқори баҳо берди. У Ўзбекистондан профессионал боксда жаҳон чемпионлари етишиб чиққанини алоҳида эътироф этди.
Шунингдек, Рио Олимпиадасидаги муваффақиятли иштирокни ҳам алоҳида таъкидлади. Конгрессда йил якунлари сарҳисоб қилиниб, 2017 йилги режалар, ўтказиладиган жанглари муҳокамаси бўлиб ўтди.
Ҳавола :
Манба : olamsport.com
Фикрлар