20 мар 13:51
Янгиликлар

Каратэ

ФОТО. Роттердамда Ўзбекистон ва Бутунжаҳон каратэ федерацияси раҳбарлари учрашди

Хабар берганимиздек, кеча Голландиянинг Роттердам шаҳрида каратэ бўйича нуфузли Гран-при турнири ўтказилиб, унда ҳамюртимиз Садриддин Сайматов -60 кг вазн тоифасида олтин медални қўлга киритган эди.

Мусобақа доирасида Ўзбекистон каратэ миллий федерацияси раҳбари Аламжон Муллаев ҳамда Бутунжаҳон каратэ федерацияси президенти Антонио Эспиноза ўртасида учрашув бўлиб ўтди.

Учрашув чоғида Ўзбекистон каратэ миллий федерацияси спортчиларининг яқин 2 йил давомида Бутунжаҳон каратэ федерацияси шафеълигида ўтказиладиган халқаро мусобақалардаги иштироки ва бошқа кўплаб масалалар муҳокама қилинди.

Маълумот учун, каратэнинг айнан мана шу WKF йўналиши ўтган йили тўрт йилликнинг энг нуфузли мусобақаси оиласига қабул қилинди. 2020 йили Токио мезбонлик қиладиган Олимпиадада илк бор каратэ бўйича медаллар ўйналади.