23 авг 04:47
Янгиликлар

Бокс/ММА

ФОТО Шоҳжаҳон Эргашев АҚШда тарозига чиқди, эртага жанг!

Бизнинг вақт билан эртага тонг саҳарда АҚШнинг Оклахома штати Брокен-Арроу шаҳрида профессионал бокс кечаси бўлиб ўтади.

Оқшомнинг андеркад жанги мағлубият ва муроса нималигини билмай келаётган ҳамюртимиз Шоҳжаҳон Эргашев иштирокида бўлиб ўтади. Чарм қўлқоп устамиз мексикалик Абдиель Рамиресга қарши рингга кўтарилади. Бир неча дақиқа авал боксчилар тарозидан ўтиш маросимида иштирок этишди. Унда Эргашев 63,5, Рамирес эса 64 кг тош босди. Эртанги жанг 10 раунддан иборат бўлади.

Маълумот учун, Шоҳжаҳон шу кунгача проф рингда 16 та жанг ўтказган ва уларнинг барчасида ғалаба қозонган. Жангларниинг 14 тасини муддатидан аввал якунлаган. Рамирес эса ўтказган 29 та жангидан 24 тасида зафа қучган (22 та нокаут). Тўртта жангда мағлуб бўлган (2 та нокаут). Яна бир жанг дуранг билан якунланган.