ФОТО Туркия ва Франция биринчилардан бўлиб Тошкентга етиб келди. Таркибда афсона борми?

Биринчилардан бўлиб Туркия ва Франция терма жамоалари Тошкентга етиб келишди. Ўзбекистон дзюдо федерацияси ходимлари Ислом Каримов номидаги Тошкент халқаро аэропортида икки мамлакат дзюдо делегацияларини кутиб олишди. Меҳмонлар аввалдан тайёрлаб қўйилган махсус меҳмонхоналарга жойлаштирилди.   

Маълумот учун, 12 дзюдочи билан Тель-Авив "Катта Дубулға" турнирида иштирок этган Франция терма жамоаси якунда 3 та олтин, 2 та кумуш, 1 та бронза медали билан умумжамоа ҳисобида биринчи ўринни эгаллаган эди. Лекин фарангларнинг Тошкентга келган таркибида катта ўзгаришлар бор. Ғолиб ва совриндор бўлган дзюдочиларнинг аксарияти 26-28 март кунлари ўтказиладиган Тбилиси "Катта Дубулға" турнирига тайёргарлик кўради.     

Туркия терма жамоаси таркиби:

-60 кг: Салиҳ Йилдиз, Эмирхан Караман

-73 кг: Халил Чимен 

-81 кг: Ведат Албайрак, Муҳаммад Коч

-90 кг: Михаэль Зганк, Аҳмед Кухадар

-100 кг: Мерт Сисманлар

+100 кг: Кемал Эрдоган 

Мураббийлар - Иракли Узнадзе, Салиҳ Туфан Дурмуш, Серкан Йилли

Франция терма жамоаси таркиби:

-60 кг: Лука Мхеидзе 

-66 кг: Килиан Ле Блоуч

-73 кг: Гийом Чейн   

-81 кг: Аурелиен Диссе, Алфа Джало 

-100 кг: Александр Иддир 

Қизлар

-57 кг: Элен Ресево

+78 кг: Анн Фатумата М’Беро, Жулия Толофуа

Мураббийлар - Даниэл Фернандес, Кристоф Гаглиано, Кристоф Массина, Бен Ларби, Фабиен Улмер 

Маълумот учун, Франция терма жамоаси рўйхатда кўрсатилган 9 дзюдочи билан Тошкент "Катта Дубулға" турнирида иштирок этади ва уларнинг барчаси юртимизга етиб келди. Туркия терма жамоаси дзюдочилари - Михрач Аккуш (-60 кг), Мерт Сисманлар (-100 кг), Гулкадер Сентурк (-48 кг), Ирем Коркмаз (-52 кг), Озлем Йилдиз (-57 кг) кейинроқ Тошкентга учиб келишади.