09 май 20:12
Янгиликлар

Оғир атлетика

ФОТО Турсуной Жабборова мутлақ жаҳон чемпиони!

Грециянинг Ираклион шаҳрида бўлиб ўтаётган оғир атлетика бўйича жаҳон чемпионати биз учун муваффақиятли давом этмоқда.

Бироз аввал аёллар ўртасида -87 кггача бўлган вазнда баҳслар якунланди. Ушбу вазн тоифасида юртимиз шарафини ҳимоя қилган Турсуной Жабборова мутлақ жаҳон чемпионига айланди.

Атлетимиз даст кўтаришда 109 кг тошни ўзига бўйсундирган бўлса, силтаб кўтаришда 129 кг натижа кўрсатди ва ҳар икки йўналишда олтин медални қўлга киритди. Шунингдек, Жабборова икки кураш натижасига кўра ҳам тенгсиз бўлди.

Греция. Ёшлар ўртасида жаҳон чемпионати. Аёллар -87 кг

1. Турсуной Жабборова (Ўзбекистон) - 238 (109+129) кг

2. Энтензе Рейес (Куба) - 226 (99+127) кг

3. Элизабет Оуенс (АҚШ) - 222 (99+123) кг