16 июн 14:43
Янгиликлар

Велоспорт

Франция велотуризм уюшмаси делегацияси Тошкентга келди

Ўзбекистон велосипед спорти Федерациясида Франция велотуризм уюшмаси вице-президенти Мишель Арну бошчилигидаги делегацияси расмийлари билан учрашув бўлиб ўтди.

Ушбу учрашув Франциянинг Ўзбекистондаги элчихонаси кўмаги ва ташаббуси билан ташкил этилди. Тадбирда Мишель Арну билан бирга Франция Республикасининг Ўзбекистондаги элчихонаси вакили Клемент Карэ ҳамда Ўзбекистон Республикаси туризмни ровжлантириш давлат қўмитаси вакиллари қатнашдилар.

Расмий учрашув кун тартибида Ўзбекистон велосипед спорти Федерацияси ҳамда Франция Республикасининг велотуризм уюшмаси ўртасидаги ўзаро ҳамкорлик борасида бир қатор масалалар муҳокама қилинди.

Учрашув сўнггида Ўзбекистон велосипед спорти Федерацияси ҳамда Франция велотуризм уюшмаси ўртасида ўзаро ҳамкорлик бўйича келишув имзоланди. Режага кўра, 2019 йилнинг апрель ойида ҳаваскорлар ўртасида Мараказий Осиё давлатлари ўртасида велотур ўтказилади.