Freestyle Chess Challenge. Абдусатторов бугун 1/4 финалда хитойлик шахматчига қарши ўйнайди

Дунёнинг кучли саккиз нафар гроссмейстери дона сураётган Фишер шахмати бўйича мусобақада ҳамюртимиз Нодирбек Абдусатторов ҳам муваффақиятли одимлаяпти. Кеча у саралаш босқичининг сўнгги 7-турида рапид ва блиц йўналишларида амалдаги жаҳон чемпиони Магнус Карлсенни мағлубиятга учратиб, плей-оффга 1-ўрин билан йўл олганди. 

Турнир регламентига кўра, саралаш босқичи ғолиби плей-оффда сўнгги 8-ўрин соҳиби билан ўйнайди. Бугун 1/4 финалда Абдусатторов 7 та учрашувнинг 6 тасида мағлубиятга учраб, фақат биттасида дуранг ўйнаган хитойлик Дин Лижэнга қарши дона суради. 

Шахматчилар ўзаро иккита партия ўйнашади. Жами 40 та юришга 90 дақиқадан вақт берилади. Икки партияда ғолиб аниқланмаган тақдирда тай-брекка мурожаат қилинади. Плей-оффнинг барча босқич учрашувлари бизнинг вақт билан соат 17:00да бошланади.

Нокаут тизимидаги 1/4 финал жуфтликлари (11-12 февраль):

Алиреза Фирузджа (Франция, 2760) - Магнус Карлсен (Норвегия, 2830)

Фабиано Каруана (АҚШ, 2804) - Доммараджу Гукеш (Ҳиндистон, 2743)

Нодирбек Абдусатторов (Ўзбекистон, 2744) - Дин Лижэнь (Хитой, 2762)

Винсент Каймер (Германия, 2738) - Левон Аронян (АҚШ, 2725)

1/2 финал: 13-14 февраль 

Финал: 15-16 февраль