Freestyle Chess Challenge. Абдусатторов Магнус Карлсенга қарши 1/2 финалнинг илк партиясини ўтказди

Дунёнинг кучли саккиз нафар гроссмейстери дона сураётган Фишер шахмати бўйича мусобақада ҳамюртимиз Нодирбек Абдусатторов (2744) ҳам иштирок этяпти. Кеча 1/2 финал босқичнинг илк учрашувлари ўтказилди. 

Саралаш босқичини ғолиб сифатида якунлаган Абдусатторов финал чиптаси учун рапид ва блиц шахматда амалдаги жаҳон чемпиони Магнус Карлсен (Норвегия, 2830)га қарши қора доналарда ўйнади ва афсуски имкониятни бой берди. Бугун Нодирбек иккинчи партияда оқ доналарда ҳаракат қилади.

Иккинчи 1/2 финал жуфтлигида асли арманистонлик, ҳозирда АҚШ шарафини ҳимоя қилаётган Левон Аронян (АҚШ, 2725) яна бир океан орти шахматчиси Фабиано Каруана (АҚШ, 2804)дан устун келди. Шунингдек, кеча 5-8 ўринлар учун ҳам ўйинлар бўлиб ўтди. 

1/2 финал натижалари (13-14 февраль):

Магнус Карлсен (Норвегия, 2830) - Нодирбек Абдусатторов (Ўзбекистон, 2744) - 1:0 

Левон Аронян (АҚШ, 2725) - Фабиано Каруана (АҚШ, 2804) - 1:0

5-8 ўринлар учун баҳс

Дин Лижэнь (Хитой, 2762) - Алиреза Фирузджа (Франция, 2760) - 0:1

Доммараджу Гукеш (Ҳиндистон, 2743) - Винсент Каймер (Германия, 2738) - 0:1

Финал: 15-16 февраль