Freestyle Chess Challenge. Бугун барчаси ҳал бўлади

Дунёнинг кучли саккиз нафар гроссмейстери дона сураётган Фишер шахмати бўйича мусобақада ҳамюртимиз Нодирбек Абдусатторов (2744) ҳам иштирок этяпти. Кеча ҳал қилувчи плей-офф босқичининг илк партиялари ўйналди.

Саралаш босқичини ғолиб сифатида якунлаган Абдусатторов 3-ўрин соҳибини аниқлаб берувчи баҳсла америкалик Левон Аронянга қарши дона сурмоқда. Гроссмейстерлар биринчи партияда муросага келишди. Бугун жавоб учрашуви ўтказилади. Дуранг бўлган тақдирда, ғолиб тай-брекда аниқланади.

Бош соврин учун курашаётган рапид ва блиц шахматда амалдаги жаҳон чемпиони Магнус Карлсен (Норвегия, 2830) америкалик Фабиано Каруана (2804) билан дурангга имзо чекди. Нодирбек 1/2 финалда айнан Карлсенга 0,5:1,5 ҳисобида имкониятни бой бериб қўйганди. Бугун барча жуфтликларда ғолиблар аниқланади.   

Плей-офф натижалари. Финал

Магнус Карлсен (Норвегия, 2830) - Фабиано Каруана (АҚШ, 2804) 0,5:0,5

3-ўрин учун баҳс

Нодирбек Абдусатторов - Левон Аронян (АҚШ, 2725) 0,5:0,5

5-6 ўринлар учун

Алиреза Фирузджа (Франция, 2760) - Доммараджу Гукеш (Ҳиндистон, 2743) 1:0

7-8 ўринлар учун

Винсент Каймер (Германия, 2738) - Дин Лижэнь (Хитой, 2762) 1:0