Freestyle Chess Grand Slam. 1/2 финал доирасидаги Синдаров - Каруана партияси ҳам якунланди

Ҳозиргина Жавоҳир Синдаров 1/2 финалнинг илк партиясида дунё рейтингида иккинчи ўринни эгаллаб турган америкалик гроссмейстер Фабиано Каруанага қарши баҳс олиб борди. Номдор рақибига нисбатан кичик устунликка эга бўлган Синдаров якунда дурангга имзо чекди. 

Таъкидлаш жоиз, Фабиано 1/4 финалнинг ҳар икки учрашувида ҳам амалдаги жаҳон чемпиони ҳиндистонлик Гукеш Доммараджудан устун келганди. Ярим финалнинг иккинчи жуфтлигида Магнус Карлсен Жавоҳир сингари турнир кашфиётига айланган германиялик Винсент Кеймерга кутилмаганда имкониятни бой бериб қўйди. Кеймер 1/4 финалда жаҳон рейтингида 7-поғонадан жой олган франциялик Алиреза Фирузджани 1,5:0,5 ҳисобида таслим этгангди.