Freestyle Chess Grand Slam. 19 ёшли Синдаров дунёнинг иккинчи рақамли шахматчисига қарши 7 та партиядан иборат оловли ўйин ўтказди

Афсуски, ўта муросасиз кечган 1/2 финалнинг иккинчи жуфтлигида 19 ёшли Жавоҳир Синдаров дунё рейтингида иккинчи ўринни эгаллаб турган америкалик гроссмейстер Фабиано Каруанага ҳал қилувчи армагедон партиясида имкониятни бой бериб қўйди. Тай-брекнинг блиц иккинчи партиясида умумий ғалабага яқин келган Жавоҳир аламли мағлубиятга учраганди. 

Шу тариқа, Жавоҳир кучли рақибига муносиб қаршилик кўрсатиб мағлуб бўлди ва энди эртага 3-ўрин учун норвегиялик афсона Магнус Карлсенга қарши баҳс олиб боради. Бу икки шахматчининг саралаш босқичидаги ўзаро учрашувида Жавоҳир Магнусни мағлуб эта олганди.

Фабиано Каруана эса энди Freestyle Chess Grand Slam бош соврини учун германиялик Винсент Кеймерга қарши баҳс олиб боради. Кеймер 1/2 финалда Магнус Карлсенни мағлуб этиб, катта шов-шув кўтарганди.