Freestyle Chess Grand Slam. Абдусатторов ва Синдаров Лас-Вегасдаги турнирни муваффақиятли бошлади

Мусобақада ҳамюртларимиз Нодирбек Абдусатторов ва Жавоҳир Синдаров ҳам иштирок этиши ҳақида аввалроқ хабар бергандик. 

Тунда турнирнинг гуруҳ босқич беллашувлари бўлиб ўтди. 

Оқлар гуруҳидан ўрин олган юртдошларимиз баҳсларни муваффақиятли ўтказишди. 

Нодирбек ҳам, Жавоҳир ҳам 7 та ўйин якунига кўра 4,5 очко жамғариб, плей-офф баҳсларига йўл олдилар. 

Энди бугун чорак финал беллашувлари старт олади. 

Чорак финалнинг ғолиблар йўлида жуфтликлар қуйидагича кўриниш олган:

Рамешбабу Прагнанандҳа - Фабиано Каруана

Левон Аронян - Хикару Накамура

Нодирбек Абдусатторов - Аржун Эригаиси

Ҳанс Ниеманн - Жавоҳир Синдаров

Мағлублар йўли:

Магнус Карлсен - Видит Гужрати

Леинер Домингес - Бибисора Ассаубаева

Рей Робсон - Винсент Кеймер

Сэм Севиан - Уэсли Со

Қайд этиш лозим, дунё рейтинги етакчиси Магнус Карлсен гуруҳ босқичи якунига кўра, ғолиблар йўлига қўшила олмади. У тай-брэкда Левон Аронянга имкониятни бой берди. 

Чорак финаллар бугун тунда ўтказилади. Ҳар икки ҳамюртимизга ҳам мусобақада омад тилаймиз.