Freestyle Chess Grand Slam Finals. Жавоҳир Синдаров 1/2 финалда!

Умумий мукофот жамғармаси 750 000 долларни ташкил этувчи якуний Freestyle Chess Champion 2025 турнири бош соврини учун сайёрамизнинг саккиз нафар гроссмейстери баҳс олиб боряпти. 

Қувонарлиси, саралаш баҳсларини биринчи ўринда якунлаган 20 ёшли Жавоҳир Синдаров ортиқча қийинчиликсиз 1/2 финалга йўл олди. Ҳамюртимиз саралаш баҳсларидаги 7 та учрашувнинг барчасида мағлубиятга учраган эронлик Парҳам Мақсудлуни ҳар икки партияда ҳам мағлубиятга учратди. 

Синдаровнинг ярим финалдаги рақиби норвегиялик шахмат афсонаси Магнус Карлсен ҳамда америкалик Фабиано Каруана ўртасидаги учрашувда аниқланади. Биринчи партияда Фабиано ғалаба қозонганди. Жавоб баҳсида Карлсен зафар қучди. Энди ғолибни аниқлаш учун армагеддон партияси ўйналади. 

Ярим финал учрашувлари эса эртага ўтказилади.