Freestyle Chess Grand Slam. Жавоҳир ва Нодирбек плей-оффдаги илк ўйинларда қандай натижа кўрсатди?

Мазкур нуфузли турнирда ҳамюртларимиз Нодирбек Абдусатторов ва Жавоҳир Синдаров иштирок этаётганлиги ва улар гуруҳ босқичини муваффақиятли ўтказганликлари ҳақида хабар қилгандик. 

Ҳамюртларимиз ғолиблар йўлида чорак финал баҳсларида иштирок этишди. 

Нодирбек Абдусатторов ҳиндистонлик Аржун Эригаисига қарши иккита партия ўтказди ва 0,5 : 1,5 ҳисобларида имкониятни бой берди.

Жавоҳир Синдаров эса чорак финалда америкалик Ҳанс Ниеманнга қарши дона сурди. Асосий партиялар 1:1 ҳисобида якунланди. Тай-брэкда эса Жавоҳир 1:3 ҳисобларида мағлуб бўлди. 

Шу тариқа, вакилларимиз ғолиблар йўлида чорак финалда ўз юришларини тўхтатишди.

Энди йигитларимиз мағлублар йўлида мусобақадаги иштирокларини давом эттиришади.