11 фев 20:34
Янгиликлар

Шахмат

Freestyle Chess Grand Slam. Нодирбек Абдусатторов - Алиреза Фирузджа баҳси якунланди

Германиянинг Вайссенхаус шаҳрида ўтказилаётган шахмат бўйича мукофот жамғармаси 750 000 АҚШ долларини ташкил этувчи нуфузли турнирда плей-офф баҳслари давом этмоқда.

Ҳозиргина Нодирбек Абдусатторов 5-ўрин учун кечаётган плей-оффнинг илк учрашувини якунлади. Чорак финалда Магнус Карлсенга имкониятни бой берган Нодирбек франциялик Алиреза Фирузджага қарши оқ доналарда ўйнади ва дурангга имзо чекди. Эртага икки гроссмейстер ўртасида ҳал қилувчи иккинчи учрашув ўтказилади. Унда Абдусатторов қора доналарда ҳаракат қилади.

Айни дақиқаларда яна бир ҳамюртимиз Жавоҳир Синдаров 1/2 финалнинг илк партиясида дунё рейтингида иккинчи ўринни эгаллаб турган америкаоик гроссмейстер Фабиано Каруанага қарши баҳс олиб боряпти. Ҳозирча кичик устунлик Синдаров томонида. Фабиано 1/4 финалнинг ҳар икки учрашувида ҳам амалдаги жаҳон чемпиони ҳиндистонлик Гукеш Доммараджудан устун келганди.