12 фев 20:50
Янгиликлар

Шахмат

Freestyle Chess Grand Slam. Нодирбек Абдусатторов Алиреза Фирузджани таслим этди

Германиянинг Вайссенхаус шаҳрида ўтказилаётган шахмат бўйича мукофот жамғармаси 750 000 АҚШ долларини ташкил этувчи нуфузли турнирда плей-офф баҳслари давом этмоқда.

Ҳозиргина Нодирбек Абдусатторов иштирокидаги 5-8-ўринлар учун кечаётган плей-оффнинг икккинчи учрашуви ҳам якунлади. Франциялик Алиреза Фирузджага қарши қора доналарда ўйнаган ҳамюртимиз кучли рақибини қийин вазиятда мағлубиятга учратди. Бу шахматчиларнинг кеча ўтказилган илк учрашувида дуранг натижа қайд этилганди.

Энди Нодирбек Абдусатторов 5-ўрин учун курашади. Унинг бу баҳсдаги рақиби бироздан кейин Ҳикару Накамура - Гукеш Доммараджу партиясидан кейин маълум бўлади. Бешинчи ўрин соҳибини 50 000 АҚШ доллари кутиб турибди.