Freestyle Grand Slam. Абдусатторов ва Синдаровда қандай натижа? Улар қанча мукофот пули ишлаб олишди?

Мусобақанинг гуруҳ босқичини муваффақиятли якунлаб, 1/4 финалга йўл олган Нодирбек Абдусатторов ва Жавоҳир Синдаров мос равишда ҳиндистонлик Аржун Эригаиси ҳамда америкалик Ҳанс Ниеманнга имкониятни бой бериб қўйишганди. 

Шундан сўнг ҳамюртларимиз мағлублар йўлида 3-ўрин учун курашни давом эттиришди. Афсуски, бу уриниш ҳам самарасиз кетди. Синдаров шахмат қироли Магнус Карлсенга 0,5:1,5 ҳисобида ютқазди. Абдусатторов эса америкалик Уэсли Сога қарши кечган баҳснинг асосий партияларида дуранг ўйнади. Тай-брекда эса омад мезбон гроссмейстерга кулиб боқди. 

Шу тариқа, ўзбекистонлик ёш гроссмейстерлар Freestyle Grand Slam турниридаги иштирокларини 9-12 ўринлар билан якунлашди. Омадсиз иштирокка қарамай, уларнинг ҳар иккиси 10 000 АҚШ долларидан мукофот пули ишлаб олишди. Учинчи ўрин соҳибини 100 000 доллар кутиб турганди.