Фрэнсис Нганну: "ММАчилар боксчилар каби кучли эмас"

"Фьюри жуда қаттиқ зарба беради. ММАчиларнинг зарбалари боксчиларники каби кучли эмас. Уларнинг тезлиги катта ва буни қандай ишлатиш кераклигини яхши билишади. Тайсон эса жуда ажойиб жанг қилади. Ундан бир нечта кучли зарбалар қабул қилиб олдим. Ўша пайт миямдан фақатгина ёмон хислар ўтди.

Бир томондан зарбаларни хис қилаётганингиз ҳам яхши, чунки миянгиз ҳали иш жараёнида бўлади. Тайсон нокдаун бўлганида ўзини йўқотиб қўйганмиди? Менимча йўқ. Унчалик кучли зарба бермадим, шу сабабли у ўрнидан турди. Унинг елкаси зарбанинг асосий кучини қабул қилди.

Режам оддий эди: шунчаки рингга чиқиб, ўз йўналишимни кўрсатиш бўлганди. Ғалаба учун интилгандим", - деди собиқ UFC чемпиони Фрэнсис Нганну.

Эслатиб ўтамиз, Тайсон ва Фрэнсис ўртасидаги жанг 28 октябрь куни ўтказилган ва унда британиялик боксчи ҳакамлар қарори эвазига ғалабага эришганди.