Френсис Нганну мураббийини йиғлашга мажбур қилди

Бу ҳақида UFC собиқ чемпионининг мураббийи Эрик Никсик маълум қилди.

“Бир жангчи томонидан тўланган энг катта гонорар эди. Бу мен кутганимдан ҳам кўпроқ бўлди. Шубҳасиз, Френсис менга доимо ғамхўрлик қилган, аммо бу сафар у мени ҳайратда қолдирди. Мен ўзимнинг банк ҳисоб рақамимни кўрганимда, йиғлаб юборгандим. Унинг бу ҳаракати мени кўз ёш тўкишга мажбур қилди, чунки у менинг ҳаётимни ўзгартирди — нафақат профессионал, балки молиявий жиҳатдан ҳам.

Бу менга катта молиявий эркинлик берди. Менга мураббийликдан завқланиш ҳамда ота ва эр бўлишдан завқланиш имконини берди. Мен энди янги машина сотиб олиб, дам олиш кунлари болалар билан боғга боришим мумкин. Френсиснинг боксга ўтиши унинг жамоасига бўлган муносабатини жуда ўзгартирди. У бизни севади ва барчамизга ғамхўрлик қилади”,-деди Никсик.

Эслатиб ўтамиз, Нганну Тайсонга қарши жанг орқали 15 миллион долларга яқин гонорар олган. Асосан жангчилар даромадини 5-20 фоизини мураббийларга беради.