Фрэнсис Нганну нима учун Сирил Ган билан жангда имкониятларидан тўлиқ фойдалана олмаганини айтди

Фрэнсиснинг сўзларига кўра, иккинчи раунддан сўнг у мағлуб бўлаётганини англаб етган ва шу боис тактикани ўзгартиришга қарор қилган.

"Иккинчи раунддан кейин ютқазаётганимни англадим. Кейин бундай давом этиб бўлмайди. Жанг қилиш керак деб ўйладим", - деди Нганну.

Шунингдек, Нганну жароҳатланган тиззасидан хавотирда бўлганлиги ва шу сабаб бу жангда ўз имкониятларини тўлиқ кўрсата олмаганини тан олди.

"Ҳа, албатта, тиззам ҳақида доим ўйлардим. Жанг қилаётганимда октагон силлиқ эканлигини англадим. Кейин: "Бу ҳазил, тиззам ҳар қандай вақтда нотўғри томонга сирпаниб кетиши мумкин", деб ўйладим. Шунинг учун имкон қадар барқарор бўлган позицияни топишга ҳаракат қилдим. Аммо, бу менга яхши ҳаракат қилишимга имкон бермади", - деди Нганну.

Эслатиб ўтамиз, Фрэнсис ва Сирил UFC 270 турнирида тўқнаш келишган ва очколар ҳисобида Нганну ғалаба қозонган.