14 мар 19:05
Янгиликлар

Қишки спорт турлари

Фуркад фаолиятидаги сўнгги мусобақада ғолиб бўлди

Франциялик афсонавий биатлончи Мартен Фуркад фаолиятидаги сўнгги мусобақа ғолибига айланди.

Мартен Финляндиянинг Контиолахти шаҳрида ўтказилган Жаҳон кубогининг таъқиб этиш пойгасида энг яхши натижа қайд этиб, мусобақа ғолиблигини қўлга киритди. Фуркад белгиланган масофани 31 дақиқа 25 сонияда босиб ўтди. Ўқ отиш майдончасида уч бор хатоликка йўл қўйди.

Эътиборлиси, пойгада барча совринли ўринларни франциялик биатлончилар эгаллашди. Кентен Фийон Майе иккинчи, Эмильен Жаклен учинчи ўринни эгаллади. Норвегиялик Йоханнес Бё тўртинчи ўрин билан кифояланди.

Биатлон. Жаҳон кубоги. Контиолахти. Таъқиб этиш пойгаси

1. Мартен Фуркад (Франция) — 31:25,4 (3)

2. Кентен Фийон Майе (Франция) — +2,9 (2)

3. Эмильен Жаклен (Франция) — + 4,5 (4)