24 сен 11:56
Янгиликлар

Шахмат, Футбол

Футболчи Отабек Шукуров БААдаги турнирда қатнашаётган шахматчиларимизни қўллаб-қувватлади + ФОТО

Шу кунларда Бирлашган Араб Амирликларининг Шаржа шаҳрида шахмат бўйича "Sharjah Masters" турнири ўтказилмоқда.

Ушбу мусобақада уч нафар шахматчимиз иштирок этаётганлиги ҳақида аввалроқ хабар қилгандик.

Футбол бўйича Ўзбекистон терма жамоаси ва "Шаржа" клуби аъзоси Отабек Шукуров ушбу мусобақага борди ва шахматчиларимиз билан учрашди. Футболчимиз шахматчи укаларига омад тилади ва уларни қўллаб-қувватлади.

Эслатиб ўтамиз, "Шаржа Мастерс" турнири 9 тур давом этади. Айни пайтда мусобақада 7-тур ортда қолди. Бугунги кунга келиб Нодирбек Ёқуббоев ва Нодирбек Абдусатторов 5 очко, Жавоҳир Синдаров эса 4,5 очко жамғаришга улгурган.