Футзал. Бугун АГМК Осиё чемпионати ярим финалида ўйнайди

Кеча мамлакатимиз чемпиони АГМК чорак финалда мусобақа мезбони ҳисобланган Таиланд чемпиони "Порт ФК"ни 4:3 ҳисобида мағлуб этди. Шу тариқа, Александр Петров бошчилигидаги олмалиқликлар ўз тарихларида биринчи марта ушбу мусобақанинг 1/2 финалига йўл олишди. 

Ярим финалда АГМКнинг рақиби Эрон чемпиони "Мес Сунгун" жамоаси бўлади. Форслар кеча Ливан чемпиони "Банк Бейрут"ни экстра таймларда киритилган гол эвазига катта қийинчилик билан мағлуб этишди.

Эслатиб ўтамиз, "Мес Сунген" клублар ўртасидаги Осиё чемпионатининг амалдаги ғолиби ҳисобланади.

Футзал. Клублар ўртасидаги Осиё чемпионати

Ярим финал. 15.08.2019

13:00. "Тай Сон Нам" (Вьетнам) - "Нагоя Оушенс" (Япония)

16:00. АГМК (Ўзбекистон) - "Мес Сунгун" (Эрон)

P.S. Учрашувларнинг бошланиш соати Тошкент вақти билан кўрсатилган.