Футзал. ЖЧга йўлланма берадиган Осиё чемпионати саралашига қуръа ташланди

Бироз аввал ОФКнинг Куала-Лумпурдаги штаб квартирасида Осиё чемпионати саралаш беллашувларига қуръа ташланди.

Унга кўра, Ўзбекистон терма жамоаси Марказий & Жанубий зонанинг "A" гуруҳида кураш олиб боради. Асосий ўйинларга чиқиш учун Баҳодир Аҳмедов шогирдлари Тожикистон, Непал ва Афғонистон терма жамоалари билан беллашишади.

Футзал бўйича Осиё чемпионати-2020 саралаш баҳслари

Марказий & Жанубий зона

"A" гуруҳи

Ўзбекистон

Тожикистон

Непал

Афғонистон

"B" гуруҳи

Эрон

Қирғизистон

Туркманистон

Саралаш ўйинлари қайси давлатларда ўтишини расман эълон қилинганича йўқ. Аммо, олган маълумотларимизга кўра биз иштирок этадиган Марказий & Жанубий зонадаги саралаш ўйинларига Эрон мезбонлик қилиши кутилмоқда.

Ушбу Осиё чемпионати Жаҳон чемпионати-2020га йўлланма ҳам беради.

Эслатиб ўтамиз, Ўзбекистон терма жамоаси охирги учта Осиё чемпионатида совриндор бўлиб келмоқда (2014 йил Вьетнамда бронза, 2016 йил Тошкентда кумуш ва 2018 йил Хитой Тайпейида бронза).