Фьюри жамоаси Усикка қарши жанг санасини маълум қилди

Daily Mail нашрининг хабарига кўра, британиялик боксчининг вакиллари украиналикни мутлақ жаҳон чемпиони унвони учун жанг санаси ва жойини келишиб олишга ундамоқда. Бироқ, жангни Саудия Арабистонида ташкил этиш варианти энди кўриб чиқилмайди, сабаби улар Жиддадаги янги стадион қурилишини жангнинг белгиланган санасига қадар якунлашга кафолат бера олмайдилар. Фьюрининг манфаатларини ҳимоя қилувчи Queensberry Promotions компанияси 29 апрель кунига "Уэмбли" стадионини банд қилган ва Усикнинг жавобини кутмоқда. Агар украиналик боксчи жангга рози бўлмаса, Фьюри ўша куни бошқа рақиб билан жанг қилиши мумкин.

Узоқ кутилган жанг бўйича якуний қарор шу ҳафтада эълон қилиниши кутилмоқда.

Эслатиб ўтамиз, аввалроқ таниқли инсайдер Майкл Бенсон ҳам Александр Усик ва Тайсон Фьюри ўртасидаги жанг Буюк Британияда ташкил этилишини маълум қилган эди.