Фьюри Нганнудан қабул қилиб олган нокдаунига муносабат билдирди

Камерунлик ММА юлдузи жангнинг учинчи раундида номдор рақибини нокдаун ҳолатига тушириб қўйган ва бунинг натижасида рефери ҳисобни очишга мажбур бўлганди. Фьюри камерунликдан қабул қилиб олган ўша нокдаунига муносабатини билдирди. 

"Бу нарса сценарийда аниқ йўқ эди. Фрэнсис жуда ноқулай жангчи, кучли панчер ва биз кутганимиздан ҳам яхши бокс намойиш этди. Айнан Нганну менга сўнгги 10 йиллик фаолиятимдаги қийин ва мураккаб жангни тақдим эта олди. Нокдаун? Айтарлик ҳеч гап йўқ. Мени яна қарши ҳужумда тутиб олишди. Ўтказиб юборилган зарбадан кейин мен ўрнимдан турдим. Ўн бир ойлик рингдан ташқаридаги танаффус ҳам ўз сўзини айтди. Ўзимни оқлаш учун ҳеч қандай сабаб кўрмаяпман. Узоқ муддатли машғулот лагерини ўтадим. Энди тезроқ уйга қайтиб, шунчаки дам олмоқчиман. Кейин эса мавриди билан режаларни муҳокама қилиб оламиз, — деди Фьюри.