02 июн 11:14
Янгиликлар
Бокс/ММА
Фьюри - Уайлдер: Учинчи жанг учун иккита вариант
Супероғир вазн тоифасида WBC йўналиши чемпиони Тайсон Фьюри ҳамда ушбу камарнинг собиқ соҳиби Деонтей Уайлдер ўртасидаги трилогия шу йил сўнггида ўтказилиши мумкин.
Бу ҳақида америкалик таниқли промоутер Боб Арум хабар берди.
"Боксчилар ўртасидаги учинчи жангни шу йилнинг ноябрь ёки декабрь ойида ўтказишни режалаштиряпмиз. Ҳаммаси коронавирус пандемиясининг жаҳондаги ҳолатига боғлиқ бўлади. Катта эҳтимол билан трилогия АҚШ ва Буюк Британияда ўтказилмайди. Биз Уайлдер билан доимий мулоқотдамиз. Ҳозир жой масаласини муҳокама қиляпмиз. Бу бўйича иккита вариантимиз бор. Муҳими, жангнинг АҚШ вақтига мос пайтда ўтказиш", - дея Арумнинг сўзларини келтирмоқда ESPN.
Эслатиб ўтамиз, боксчилар шу кунгача ўзаро икки бор тўқнаш келишган. 2018 йилги илк жангда дуранг натижа қайд этилганди. Шу йил ўтказилган иккинчи тўқнашувда эса Фьюри Уайлдерни техник нокаутга учратиб, WBC камарига эга чиққанди.
Ҳавола :
Фикрлар