Фьюри: Уайлдерга товон пули тўлаб ўтирмайман, яхшиси яна бир марта уни дўппослайман

"Режамизда Уайлдерга қарши реванш бор. Кейин Жошуага қарши иккита жанг ўтказилиш мумкин. Ўзи биттаси яхши, лекин мағлуб этганимдан сўнг у ҳам реванш истаб қолади. Уайлдер билан шартномада реванш банди бор. Баъзи нашрларда у 10 миллион доллар эвазига жанг қилмасликка рози эканлиги айтилган. Мен унга четга чиқиши учун пул бермайман. Яхшиси уни яна рингда дўппослайман.

Унга хатто 2 миллион товон пули ҳам бермайман. Яхшиси уни яна калтаклайман. Учинчи марта ҳам уни амаллайман. Умид қиламанки, жанг 2020 йил охирида ўтказилади. 2021 йилда эса икки енгилмас британиялик - мен ва Жошуа ўртасида бокс тарихидаги энг йирик жанг, барча совринлар учун баҳс ташкил этилади", - деди Фьюри.