12 апр 11:25
Янгиликлар
Бокс/ММА
Фьюри Уайтга қарши жанг олдидан мухлисларига мурожаат қилди
Супер оғир вазн тоифасида WВC чемпиони Тайсон Фьюри (31-0-1, 22 КО) Диллиан Уайтга (28-2, 19 КО) қарши бўлажак жанг олдидан ўз фикрларини айтди.
"Лўлилар қироли"нинг сўзларига кўра, чемпионлик жанги олдидан машғулотларни ажойиб ўтказмоқда.
"Машғулот яхши ўтмоқда. Уч ҳафтадан кам вақт қолди. Барчангизни "Уэмбли" стадионида кўришни интиқлик билан кутяпман", — деди Фьюри
Шунингдек, Тайсон Фьюри бўлажак жанг олдидан ўз тахминини айтди.
"Айтишим мумкинки, мухлисларим олдида Диллиан Уайтни нокаут қиламан. Худо барчангизни ўз паноҳида асрасин", — дея қўшимча қилди британиялик боксчи.
Эслатиб ўтамиз, Фьюри - Уайт жанги 23 апрель куни Лондондаги (Буюк Британия) "Уэмбли" стадионида бўлиб ўтади.
Ҳавола :
Манба : isport.ua
Фикрлар