Фьюри – Усик турнири учун яна бир чемпионлик жанги қўшилди

Оқшомнинг асосий жанги супероғир вазн тоифасида мутлақ жаҳон чемпионлиги учун кечади. Унда WBC чемпиони, британиялик Тайсон Фьюри қолган барча камарлари соҳиби украиналик Александр Усикка қарши рингга кўтарилади.   

Ташкилотчилар ушбу бокс оқшоми учун яна бир чемпионлик жангини эълон қилишди. Иккинчи ярименгил вазн (59 кг) тоифасида IBF чемпиони, британиялик 32 ёшли Жо Кордина (17-0, 9 KO) ўз камарини 34 ёшли ҳамюрти Энтони Какаче (21-1, 7 KO)дан ҳимоя қилади. 

Маълумот учун, Кордина 2017 йилда профессионал рингда дебют қилган. 2022 йилнинг июнида япониялик Кеничи Огавани нокаутга учртиб, фаолиятидаги илк камарни қўлга киритганди. Аммо кейинчалик бу чемпионлик камарини вакант қолдирган эди. 2023 йилнинг апрелида у тожикистонлик Шавкат Раҳимовга фаолиятидаги илк мағлубиятни тақдим этди. Ноябрь ойида эса ўша камарини муваффақиятли ҳимоя қилди.